Prins Michel

Heedn 'n zesden van de Louwmoand van 't joar tweedoezendveerntwintig is't mie, Prins Michel, bie de gratie van al het Siepelvolk en den doarn Road van Elf kozn tot 'n neegndnvieftigst'n Prins van de Stad Oatmössche vergund, om oeleu te hoap met miene adjudanten Hidde en Wouter bod te doon van oonze doarluchtige regearingsplann'n veur 't joar 2024.

Ten eerstn

Wie daagt de Hoogheden en adjudanten van de Siepeljonkers, Hènige Slepvèènt en de Keistenen oet veur ’n oalderwetse strijd butken.

Ten tweedn

Wie vewocht dit joar kats gin volk an de kaant bie de optocht deur oonze Siepelstad, want allman döt met! Dus ok alle leu woar wie oonze vrije tied met besteed.

Ten daardn

Bie ’t kindercarnaval geet ’t Me-anders um! Doar is’t podium veur de schoolprins- en prinses en hun nieje Road van 11.

Ten veardn

Wie zult d’r veur zorgn dat de bewoners van Huize Franciscus dit joar met doot in de optocht. En dat doot ze in de Huize Francisbus.

Ten viefdn

Vanof oonze opkomst zult wie retro carnavalsstickers oetdeeln en wie vewocht dee bie alle feeskes bie oeleu op boerenkieln an te treffn.

Ten zesdn

Nog meer retro… bie de jaorlijkse brunch van de Garde der Oud Prinsen zult wie d’r veur zorgn dat de Oald Prinsen en Oald Prinsessen culinair verrast wod.

Ten zeumdn

Wie vewocht dat het bestuur van het nieje Heemhuis, gevestigd in het prachtige Poorten Frederik, ’n expositie inricht oawer 59 joar carnaval in de Siepelstad. Gearn wilt wie disse expositie van ’t slot doon en anzeen.

Ten achstn

Wie beneumt Pieck Fijn as oonze boetnresidentie binn'n de walln en wilt hier ’n piekfijn feestje organiseern, met 'n knipoog noa vrogger.

Ten neegndn

Wie daagt alle Road van 11 leden van de leste 22 joar oet om de Witte Blues'n Oamd met oons met te viern.

Ten tiendn

Wie zult d'r veur zorgn dat in heel Aogel de oawerheerlijke locht van de Oatmösschese Siepel te roekn is.

Ten elfdn

Ik verwocht dat iedr’n carnavalsvierder zich zal hoal'n an mien liefsprök:

'N echtn Siepel zee'j oaweral en viert 'n keigaaf carnaval!